Қараша айында Қазақстан машина жасаушыларының одағы сала кәсіпорындарын дамыту және қолдау, мемлекеттік органдармен өзара іс-қимыл және өндірістік белсенділікті ынталандыру жөніндегі бастамаларды іске асыру жөніндегі белсенді жұмысты жалғастырды.

АЙДЫҢ НЕГІЗГІ ОҚИҒАЛАРЫ

6 қараша

Қазақстан машина жасаушыларының одағы Басқарма төрағасы Мейрам Пішембаев Қазақстан Республикасының Премьер-Министрінің бірінші орынбасары Роман Склярмен кездесу өткізді. Кездесу барысында қазақстандық тауар өндірушілердің тізіліміне қатысты мәселелер, атап айтқанда барлық рәсімдер толық аяқталғанға дейін өтпелі кезең енгізу қажеттілігі талқыланды. Бұл шара кәсіпорындардың үздіксіз жұмысын қамтамасыз етуге, өндірістік тізбектерді сақтауға және саладағы іскерлік белсенділіктің төмендеуіне жол бермеуге бағытталған.

25 қараша

Саран қаласында машина жасау саласын дамыту мәселелері бойынша дөңгелек үстел өтті. Іс-шараға Қазақстан Республикасы Парламенті Сенатының төрағасы Мәулен Әшімбаев, Қарағанды облысының әкімі Ермағанбет Бөлекпаев, мемлекеттік және квазимемлекеттік органдардың өкілдері, бизнес қауымдастығы мен сарапшылар қатысты. Қазақстан машина жасаушыларының одағы Басқарма төрағасы Мейрам Пішембаев Одақтың негізгі бастамаларын таныстырды.

27 қараша

Одақ Басқарма төрағасының орынбасары Ерқанат Мақанов Қазақстан Республикасының Энергетика вице-министрімен жұмыс кездесуін өткізді. Кездесу барысында мұнай өндіруші компаниялармен өзара іс-қимылды күшейту перспективалары және алдағы XIII Қазақстан машина жасаушылары форумын қолдау мүмкіндіктері талқыланды.

28 қараша

Қазақстан машина жасаушыларының одағы Басқарма төрағасы Мейрам Пішембаев Қазақстан Республикасының Премьер-Министрінің орынбасары – Ұлттық экономика министрі Серік Жұманғарин мен Швейцария Конфедерациясының вице-президенті Ги Пармелен төрағалық еткен Қазақстан–Швейцария іскерлік кеңесінің 5-отырысына қатысты.

Отырыс аясында Қазақстан машина жасаушыларының одағы мен Швейцарияның технологиялық өнеркәсіп қауымдастығы SwissMEM арасында машина жасау саласындағы өзара іс-қимыл және ынтымақтастық туралы меморандумға қол қойылды.

28 қараша

Қазақстан машина жасаушыларының одағының Басқарма төрағасы Мейрам Пішембаев «Самұрық-Қазына» АҚ алаңында австриялық делегациямен кездесу өткізді. Кездесу қорытындысы бойынша Австрияның теміржол индустриясы одағымен өзара іс-қимыл және ынтымақтастық туралы меморандумға қол қойылды.

ӨҢІРЛІК ӨКІЛДЕРМЕН ЖҰМЫС

Қараша айында негізгі тақырыптар мен мәселелер талқыланған 4 отырыс өткізілді, оның барысында төмендегі мәселелер қаралды:

1. Ел ішіндегі қосылған құн үлесін арттыру және импортты алмастыру саясаты шеңберінде іске асырылып жатқан іс-шаралар;

2. «Силумин-Восток» ЖШС қызметінің таныстырылымы;

3. «Келет» АҚ қызметінің таныстырылымы;

4. «Renaissance SHIK» ЖШС қызметінің таныстырылымы;

5. «ALEMTRADE» ЖШС қызметінің таныстырылымы;

6. Italy 4 Trade International қауымдастығы қызметінің таныстырылымы;

7. «Нова-инжиниринг» ЖШҚ қызметінің таныстырылымы;

8. Қазақстан машина жасаушыларының одағы атқарған жұмыстар туралы ақпарат.

 

МЕМЛЕКЕТТІК, КВАЗИМЕМЛЕКЕТТІК ЖӘНЕ БАСҚА ДА ОРГАНДАРМЕН ЖҰМЫС

 

• Қазақстан Республикасының Атом энергиясы агенттігімен бірлесіп Алматы облысы Үлкен ауылында АЭС салу жобасын іске асыруға Одақ мүшелері болып табылатын отандық кәсіпорындардың қатысу мәселесі талқылануда.
• «Қазатомпром» ҰАК» АҚ-мен отандық кәсіпорындардың импортты алмастыру және өндірісті жергіліктендіру бағдарламаларына қатысуын кеңейту бойынша жұмыс жүргізілуде. Одаққа мүше жеті кәсіпорын («МЭР» ЖШС, «Петропавл ауыр машина жасау зауыты» АҚ, «Агромир», «Еуразиялық механикалық зауыт», «Павлодар құбыр арматурасы зауыты», «Инкар-1» және «Metal Onim» ЖШС) Компанияның импортты алмастыруға арналған өзектендірілген пулына 55 тауар позициясы бойынша ұсыныстарын ұсынды.
• «Қазатомпром» компаниясының еншілес ұйымдарының мамандары кәсіпорындардың өндірістік қызметімен танысу және өнімдерінің техникалық талаптарға сәйкестігін бағалау мақсатында өндіріс орындарына барды. Кездесулер қорытындысы бойынша келесі қадамдар келісілді: техникалық құжаттаманы ұсыну, сынаққа арналған материалдарды беру және өндірістік сынақтарды ұйымдастыру.
• Қазақстан Республикасының Өнеркәсіп және құрылыс министрлігімен бірлесіп машина жасау саласындағы отандық кәсіпорындарды қолдау мен ашықтықты арттыруға, сондай-ақ 2024–2028 жылдарға арналған машина жасау саласын дамыту жөніндегі кешенді жоспарды іске асыруға бағытталған қазақстандық өндірушілер тауарларының тізілімін қалыптастыру бойынша жұмыс жүргізілуде.
• Қазақстан Республикасының Мемлекеттік кірістер органдарымен Қазақстан Республикасында өндірілмейтін, бірақ дайын өнім шығару кезінде отандық тауар өндірушілер пайдаланатын шикізат пен материалдарды импорттайтын салық төлеушілер тізбесін қалыптастыру бойынша жұмыс атқарылды. Айта кету керек, Қазақстан машина жасаушылар одағының бастамасымен жаңа Салық кодексіне ҚР-да өндірілмейтін және дайын өнім өндірісінде қолданылатын шикізат пен материалдарға қосылған құн салығын (ҚҚС) төлеуді 12 айға дейін кейінге қалдыруды көздейтін норма енгізілді.
• Қазақстан машина жасаушыларының одағының XII Форумы қорытындысы бойынша әзірленген ұсынымдарды іске асыру мақсатында мемлекеттік органдармен өзара іс-қимыл жалғасуда. Ұсынымдар бірқатар өзекті мәселелерді қамтиды, оның ішінде: кәсіпорындарды отандық шикізатпен қамтамасыз ету; Өнеркәсіптің ұлттық ақпараттық жүйесін енгізу; отандық тауар өндірушілердің ЭКСЖ жөніндегі Ұлттық жобаны іске асыруға қатысуы; өнеркәсіптік роботтандыруды енгізуге бағытталған бағдарламалық құжатты қабылдау арқылы еңбек өнімділігін арттыру, сондай-ақ экономиканың басым салалары үшін жабдықтар мен автоматтандыру құралдарын өндіруді ынталандыру.
• 
  

ХАЛЫҚАРАЛЫҚ ЫНТЫМАҚТАСТЫҚ

 

Қазақстан машина жасаушыларының одағы отандық кәсіпорындардың серіктестік байланыстарын кеңейтуіне, жаңа нарықтарға шығуына, қазақстандық өнімді халықаралық деңгейде ілгерілетуіне қолдау көрсетуді жалғастыруда. Сондай-ақ озық технологиялармен танысуға және заманауи өнеркәсіптік шешімдерді енгізуге ерекше көңіл бөлінуде.

6 қарашада Одақтың атқарушы дирекциясының директоры Талғат Базарбеков, Italy4Trade International SRL компаниясының директоры Лилиана Урсу және компанияның серіктесі, жоба менеджері Алессандро Оризио қатысқан кездесу өтті. Талқылау барысында қазақстандық және италиялық кәсіпорындар арасында онлайн B2B-кездесулер ұйымдастыру, өндірістік кооперацияны дамыту, технологиялар алмасу және инженерлік кадрларды даярлау бағыттарын қамтитын бірлескен бастамаларды іске асыру бойынша практикалық қадамдар айқындалды.

Қазақстан машина жасаушыларының одағы саланы дамыту, кәсіпорындарды қолдау және отандық машина жасаудың ішкі және халықаралық нарықтардағы позициясын нығайту жөніндегі жүйелі жұмысын жалғастыруда.