Сәуір айында Қазақстан машина жасаушыларының одағы сала кәсіпорындарын дамыту және қолдау, мемлекеттік органдармен өзара іс-қимыл жасау, сондай-ақ өндірістік белсенділікті ынталандыруға және кооперацияны кеңейтуге бағытталған бастамаларды іске асыру бойынша жүйелі жұмысын жалғастырды.
АЙДЫҢ НЕГІЗГІ ОҚИҒАЛАРЫ
1 сәуір
Машина жасау және металл өңдеу саласындағы VII Халықаралық мамандандырылған Kazakhstan Machinery Fair 2026 көрмесінің ресми ашылуы өтті.
Ашылу салтанатына ҚМЖО Басқарма төрағасы Мейрам Пішембаев және ҚР Өнеркәсіп және құрылыс министрі Ерсайын Нағаспаев қатысты.
Көрме 1–3 сәуір аралығында 10 000 м²-ден астам алаңда өтті. Іс-шараға 24 елден 280-нен астам компания қатысып, машина жасау және металл өңдеу саласындағы озық әзірлемелері мен технологиялық шешімдерін ұсынды.
2-3 сәуір
«Роботтандыру және озық технологиялар – Қазақстан машина жасауының даму келешегі» тақырыбында Қазақстан машина жасаушыларының XIII форумы өтті.
Форум өңдеу өнеркәсібінің негізгі іс-шарасына айналып, мемлекеттік органдар мен бизнес-қоғамдастық арасындағы басты диалог алаңы ретіндегі мәртебесін тағы да растады. Іс-шараға әлемнің 20-дан астам елінен 1 300-ден астам делегат қатысты.
ӨҢІРЛІК ӨКІЛДЕРМЕН ЖҰМЫС
Сәуірде негізгі тақырыптар мен мәселелер талқыланған 4 отырыс өткізілді:
1. Қазақстандық тауар өндірушілер тізілімі жүйесінің техникалық мәселелері.
2. «Қазақстанның даму банкі» АҚ ұсынатын мемлекеттік қолдау шаралары.
3. «Өнеркәсіпті дамыту қоры» АҚ ұсынатын мемлекеттік қолдау шаралары.
4. «Энергетикалық және коммуналдық секторларды жаңғырту» ұлттық жобасы (ЭКСЖ ұлттық жобасы) аясында тауарларды Құрылыс конструкциялары, бұйымдары мен құрылыс материалдарының тізбесіне (СҚҚК-3) және ҚТӨ тізіліміне енгізу мәселелері.
5. «СтальЦинк» ЖШС, «TIMG» ЖШС, «Атырау вагон жасау зауыты» ЖШС қызметі туралы.
6. Одақтың атқарған жұмысы туралы ақпарат.
МЕМЛЕКЕТТІК, КВАЗИМЕМЛЕКЕТТІК ЖӘНЕ БАСҚА ДА ОРГАНДАРМЕН ЖҰМЫС
1. Қазақстан Республикасы Парламенті Мәжілісімен және ҚР Өнеркәсіп және құрылыс министрлігімен бірлесіп машина жасау мәселелері бойынша заң жобасы әзірленуде («Өнеркәсіптік саясат туралы» ҚР Заңы аясында бизнес субъектілерін санаттау критерийлері, тәжірибелік-өнеркәсіптік сынақтарға шағымдану тетігі, офтейк-келісімшарттар жасасу, қосарлы оқыту).
2. Машина жасау жөніндегі салалық комиссия құрамында қазақстандық тауар өндірушілер тізілімінің жұмыс тетіктерін жетілдіру бағытында жұмысы жалғасуда. Бұл отандық өндірушілер үшін барынша ашық әрі ыңғайлы құрал қалыптастыруға бағытталған.
3. «ТКШ жаңғырту мен дамытудың қазақстандық орталығы» АҚ басшылығымен ЭКСЖ ұлттық жобасын одан әрі іске асыру мәселелері бойынша бірқатар жұмыс кездесулері өткізілді.
4. Энергетикалық және коммуналдық секторларды жаңғырту ұлттық жобасына қатысу үшін ҚТӨ тізілімі аясында СҚҚК-3 кодтарын беру мәселесі бойынша уәкілетті органдармен жұмыс жүргізілуде.
5. ҚР экономика салаларын роботтандыру жөніндегі жобалық кеңсе құрамында жұмыс жалғасуда. Оның құрамына ҚМЖО Басқарма мүшесі, «Қазақстан автоматтандыру және робототехника қауымдастығы» ЗТБ президенті Владимир Туреханов және ҚМЖО Атқарушы дирекциясы директорының орынбасары Арман Ғалымов кірді.
6. Қазақстан машина жасаушыларының XIII форумының қорытындылары бойынша әзірленген ұсынымдар ҚР Өнеркәсіп және құрылыс министрлігіне келісуге жолданды.
7. Қазақстан машина жасаушыларының одағы XII форумының қорытындылары бойынша әзірленген ұсынымдарды іске асыру мақсатында мемлекеттік органдармен өзара іс-қимылды жалғастыруда.
ХАЛЫҚАРАЛЫҚ ЫНТЫМАҚТАСТЫҚ
Қазақстан машина жасаушыларының XIII форумы аясында Қазақстан машина жасаушыларының одағы мен Чехияның инженерлік технологиялар қауымдастығы арасында өзара іс-қимыл туралы меморандумға қол қойылды.