ҚТЖ – KTZ Express еншілес компания делегациясы серіктесі – «Great Sky» ЖШС шақыруымен Қазақстан Парамаунт Инжиниринг зауытына барды. Сапар барысында KTZ Express өкілдері өндірістік цехтарды аралап, экспортқа арналған қауіптілігі жоғары класты өнімдерді шығарудың технологиялық процесімен танысты.

Бұл мамандандырылған өнім бүкіл әлем бойынша тапсырыс берушілерге, оның ішінде Транскаспий халықаралық көлік бағдарын (ТХКБ) пайдалана отырып жеткізілетін болады.

Тасымалдауды қауіпті жүктерді тасымалдау үшін қажетті құқықтары мен лицензиялары, сондай-ақ халықаралық қауіпсіздік стандарттарын сақтауда көп жылдық тәжірибесі бар Қазақстандағы жалғыз компания KTZ Express қамтамасыз етеді.

Тараптар ұзақ мерзімді және өзара тиімді ынтымақтастықтың негізін қалап, логистиканың тиімділігін арттыру үшін оңтайлы маршруттарды, тасымалдауды ұйымдастыру кезеңдерін және шешімдерді талқылады.

 Дереккөз: https://railways.kz/kk/news2025/tzh-men-great-sky-zhshs-nimdi-zhetkizu-zhnindegi-strategiyaly-zh/