Бүгінде машина жасау елдің өнеркәсіптік және қорғаныс әлеуетін айқындайтын негізгі салалардың бірі болып қала береді. Білікті кадрларға деген сұраныс тұрақты түрде жоғары: кәсіпорындарға күрделі өнімдер жасап, инновациялық шешімдерді енгізуге дайын инженерлер, конструкторлар, технологтар және жұмысшы мамандықтарының өкілдері қажет.

«Петропавл ауыр машина жасау зауыты» АҚ – тәжірибе мен дәстүрді заманауи талаптармен ұштастыра білген жарқын мысал. Мұнда ондаған тәлімгер жас инженерлерге өз білімдері мен тәжірибесін үйретуде. Солардың бірі – зауытқа 36 жылын арнаған токарь Юрий Иванович Немыкин.

Ол жылдар бойы әртүрлі цехтарда еңбек етіп, қорғаныс өнімдерін, метеорологиялық зымырандарды, теміржол құралдарын және басқа да көптеген өнімдерді жасауға қатысқан. Ол өзінің шеберлігін 1М63 әмбебап токарлық-бұрандалы кескіш станокта шыңдауда.

«Бұл өте ауыр жұмыс. Бірақ ең бастысы – еңбектен қорықпау және болашаққа сеніммен қарау», – дейді Юрий Иванович.

Осындай көзқарас кәсіпорындардың индустриялық қуатының негізін қалайды және жас мамандарға жол ашады. Жас инженерлер үшін ПАМЖЗ және өзге де сала зауыттары кәсіби өсудің мектебі болып табылады: мұнда заманауи технологияларды меңгеріп, практикалық дағдыларды игеруге және азаматтық саладан бастап қорғаныс өнеркәсібіне дейінгі ауқымды жобалардың бір бөлігі болуға мүмкіндік бар.

Юрий Иванович сияқты тұлғалардың өмір жолы жаңа буын инженерлеріне шабыт береді. Өйткені машина жасау саласы мамандарының басты мақсаты – Қазақстанның өнеркәсіптік әлеуетін арттыру және ел экономикасын нығайту.