Қостанай облысы: өңір басшысы Құмар Ақсақалов тағайындалғаннан кейінгі соңғы екі жарым жылдағы дамудың негізгі бағыттары мен өрлеу тарихы.
Өңір тұрғындарына айқын байқалып, нақты сезілген өзгерістерді «КН» газеті нақты деректер мен көрсеткіштер арқылы саралады. Шолуымызда – өсім динамикасы мен алдағы жоспарлар аясындағы негізгі салалар.
Өнеркәсіптік әлеует
Биылдың өзінде өңірде 321,1 млрд теңге көлеміндегі инвестициямен және 3,3 мыңнан астам жұмыс орнын ашумен 7 жоба іске қосылады.
Машина жасау
Бұл салада өңір бүгінде Қазақстандағы көшбасшыға айналды. KIA зауыты рекордтық 1,5 жыл ішінде салынып, іске қосылуға дайын. Әлемдегі автокөлік өндірушілері арасында көлемі бойынша бесінші орында тұрған компаниямен жасалған келісімдер нақты іске асты. KIA алғаш рет шетелде автокөлік өндірісіне инвестиция салып отыр және бұл ел – Қазақстан. Шілде айында Қостанайдағы жаңа зауытта алғашқы автокөлік шығарылды. Жалпы өндірістік қуаты жылына 70 мың автокөлікті құрайды. Инвестиция көлемі 131 млрд теңгеден асты, ал кәсіпорында 1500 адам жұмыспен қамтылады.
Сонымен қатар «СарыарқаАвтоПром» зауыты өндіріс көлемін арттыруды жалғастыруда. Мұнда Chevrolet автокөліктерінің модельдік қатары кеңейтілді. Кәсіпорынның өндірістік қуатын жылына 30 мың автокөлікке дейін ұлғайту жоспарлануда. Инвестициялық портфель көлемі 34 млрд теңгеге жуық, нәтижесінде 400 жаңа жұмыс орны құрылады.
Сондай-ақ аталған кәсіпорындарды және басқа да отандық автокөлік өндірушілерін қажетті бөлшектермен қамтамасыз ету мақсатында Қостанайда «TEHNOPARK KZ» ЖШС базасында автокомпоненттер зауыты салынуда. Кәсіпорын кабель жүйелерінен бастап пластикалық бөлшектерге, аспаптар панельдері мен модульдік тораптарға дейінгі кең ауқымды құрамдас бөліктерді шығаруға маманданады. Инвестиция көлемі 17,8 млрд теңгені құрайды, әрі кемінде 800 жаңа жұмыс орны ашылады.
Автокөлік өндірісін барынша жергіліктендіру мақсатында жетекші көпір арқалықтарын өндіретін тағы бір зауыт іске қосылуға дайын. Мұнда 650 адам жұмыс істейді, ал инвестиция көлемі 160 млрд теңгеден асады.
Осылайша, өңір еш асыра айтусыз Қазақстанның автомобиль жасау астанасына айналып келеді.
Металлургия
Егер бірнеше жыл бұрын өңірдің өнеркәсіптік әлеуеті негізінен тау-кен өндіру секторымен бағаланса, бүгінде Қостанай облысы ауыр индустрияда жетекші орындарға сенімді түрде ұмтылуда. Бұл – жүйелі жұмыстың, стратегиялық инвесторларды тартудың және қолайлы инфрақұрылым қалыптастырудың нәтижесі.
Осы бағыттағы серпінді жобалардың бірі – «KamLitKZ» шойын құю зауыты. Кәсіпорын құрылысына 80 млрд теңгеге жуық инвестиция салынды. Өндірістік қуаты – жылына 45 мың тонна құйма, ал 500 адам жұмыспен қамтылды.
Металды терең өңдеу саласында алдағы кезеңге арналған ірі әрі капиталды көп қажет ететін жоба – «Ыстық брикеттелген темір өндіру зауытының құрылысы» жоспарланған. «ССКӨБ» АҚ базасында технология мен жабдықтарды таңдау бойынша ауқымды жұмыстар жүргізіліп, 500 млн текше метр газ жеткізу мақұлданды. Кәсіпорын құрылысына жарты триллион теңгеден астам инвестиция салынады. Жоспар бойынша зауыт жылына 2,5 млн тонна өнім өндіру қуатына шығып, мың адамды жұмыспен қамтамасыз етеді.
Осыған байланысты тағы бір маңызды аспект – салық базасының ұлғаюы, әсіресе Рудный моноқаласында. Мәселен, ыстық брикеттелген темір өндіру зауыты жоспарланған қуатқа шыққаннан кейін бюджетке жыл сайын 32 млрд теңге көлемінде салық түседі. Сонымен бірге өңірдің өңдеу өнеркәсібінің көлемі 9,2%-ға артады.
Дереккөз: kstnews.kz
