Жергілікті өндірісті дамыту – бұл тек стратегия ғана емес, сонымен қатар нақты табыс тарихы.

«Самұрық-Қазына» қорының қолдауымен және Қазақстан машина жасаушыларының одағы серіктестігімен «Қазатомөнеркәсіп» ҰАК» АҚ импортты алмастыру бағытын жалғастырып, отандық кәсіпорындардың позициясын нығайтуда.

Өндіруші кәсіпорындармен кездесулер өткізіліп, онда сатып алу мәселелері, қолдау шаралары және жергілікті өндірісті дамыту мүмкіндіктері талқыланады.

Нәтижелер өздігінен айқын: 2019 жылдан бері жалпы сомасы 38 млрд теңгеден астам оффтейк-шарттар жасалды. Бұл – отандық кәсіпорындардың бәсекеге әрі дамуға қабілетті екенінің нақты дәлелі.

Қазақстан машина жасаушыларының одағы «Қазатомөнеркәсіппен» бірлесе отырып, өндірістік қуаттарды жаңғыртуға және жергілікті жеткізу тізбегін кеңейтуге ықпал етуде.

Әрбір жаңа келісімшарт – бұл жаңа жұмыс орындары, заманауи технологиялар және ел экономикасын дамытуға қосылған үлес.