«Қазақтелеком» АҚ телекоммуникациялық инфрақұрылымды жаңғыртуды белсенді түрде жүргізіп, клиенттерді ескірген мыс желілерінен заманауи оптикалық-талшықты технологияларға көшіруде. Бұл қазақстандықтарға интернет байланысының жылдамдығын, тұрақтылығын және сапасын арттыруға мүмкіндік береді.

2025 жылы компания отандық өндіріс өнімдерін – Атырау кабель зауытының жоғары сапалы кабельдерін қолдана отырып, 64 мың клиентті қосуды жоспарлап отыр.

Ынтымақтастық аясында «Қазақтелеком» АҚ өкілдері зауытқа барып, өндірістік қуаттарымен танысты және ұжыммен бірлескен жобаларды жүзеге асырудың келешгін талқылады.

Айта кетейік, «Қазақтелеком» АҚ және Атырау кабель зауыты Қазақстан машина жасаушыларының одағының қатысушылары болып табылады.

Қазақстан машина жасаушыларының одағы ұлттық машина жасау саласын дамытуға және елдің технологиялық тәуелсіздігін нығайтуға ықпал ететін осындай бастамаларды қолдайды.

 Материал «Қазақтелеком» АҚ Коммуникациялар және брендті ілгерілету департаментінің ақпараты негізінде дайындалды.