«Қазақстанның машина жасаушыларының одағы» ЗТБ-да өңірлік өкілдермен 32-ші отырыс өтті, оның барысында кәсіпорындардың өзара іс-қимылы мен машина жасау саласын дамытуға қатысты өзекті мәселелер қаралды.
Кездесудің негізгі тақырыптарының бірі қызметкерлерді жазатайым оқиғалардан сақтандыру және бейресми жұмыспен қамту деңгейін төмендету мәселелерін талқылау болды. Астана қаласы бойынша еңбек инспекциясы бөлімінің басшысы Мақсат Дүйсенов жұмыс берушілер еңбек шарттарын жасасуға, деректерді «Электрондық еңбек биржасы» порталында еңбек шарттарын есепке алудың бірыңғай жүйесіне енгізуге, сондай-ақ қызметкерлерді жазатайым оқиғалардан сақтандыруға міндетті екенін атап өтті. Осы нормаларды сақтамағаны үшін әкімшілік жауапкершілік қарастырылған.
Сонымен қатар уәкілетті орган кәсіпорындардың зейнетақы және әлеуметтік аударымдарындағы айырмашылықтарды анықтау мақсатында тұрақты түрде талдау жүргізеді. Осыған байланысты Мақсат Дүйсенов жұмыс берушілерді еңбек қатынастарын мұқият бақылап, жұмыскерлерді уақтылы жазатайым оқиғалардан сақтандыруға шақырды.
Қазақстан машина жасаушыларның одағы Басқарма төрағасының орынбасары Ерқанат Мақанов машина жасау саласының кәсіпорындары тұтастай алғанда заңнама талаптарын сақтайтынын, міндетті және ерікті сақтандыруды қолданатынын, сол арқылы қызметкерлер алдындағы әлеуметтік жауапкершілікті арттыратынын атап өтті.
Отырыс аясында «LED Solutions» ЖШС бас директоры Қаныбек Айтақов компания өнімін таныстырды. 2010 жылы құрылған және «Астана – жаңа қала» АЭА аумағында орналасқан кәсіпорын сапаны бақылаудың көп сатылы жүйесі және 10 жылға дейінгі кепілдігі бар жарықдиодты жабдық шығарады. Бүгінгі таңда LED Solutions кәсіби жарықтандыру саласындағы Орталық Азиядағы жетекші компаниялардың бірі болып табылады.
Сондай-ақ отырыста Одақ мүшелеріның кооперациясы мен кәсіпорындарды шикізатпен және материалдармен қамтамасыз ету мәселелеріне ерекше назар аударылды. Одақ ҚР ӨҚМ және «Qarmet» АҚ-мен қара металлургия өнімдерін жеткізу мәселелері бойынша бірлескен жұмыс жүргізеді, сондай-ақ жер қойнауын пайдаланушылармен офтейк-келісімшарттар және ұзақ мерзімді шарттар жасасу қағидаларын әзірлеуге қатысады.
Бұдан бөлек, «Қазақстан темір жолы» ҰК» АҚ мен оның еншілес компанияларын отандық темір жол көлігімен қамтамасыз ету үшін «Өнеркәсіпті дамыту қоры» АҚ-мен лизингтік мәмілелер бойынша өзара іс-қимыл талқыланды. Алғашқы жеткізушілер ретінде Одақ мүшелері –«ЗИКСТО» АҚ және «Қазақстандық вагон құрастыру компаниясы» ЖШС анықталды. Лизинг шарттарында Қазақстанның вагон жасау кәсіпорындарының отандық құрамдастарды пайдалану бойынша қарсы міндеттемелері көзделетін болады. Алғашқы мәмілелерді жақын арада жасау жоспарлануда.
Қазақстан машина жасаушыларының одағы отандық машина жасауды кешенді дамыту үшін мемлекеттік органдармен және кәсіпорындармен өзара іс-қимылды нығайту жөніндегі жұмысты жалғастыруда.
