«Тыныс» АҚ мен Вологда мемлекеттік университеті арасындағы ынтымақтастық туралы Меморандум аясында кәсіпорынға инфрақұрылымдық даму және кешенді қауіпсіздік жөніндегі Проректор Алексей Алябьев келді.

Сапар барысында ол зауыттың өндірістік нысандарын аралап, басшылықпен бірлескен жобалардың болашағын, сондай-ақ ғылыми, білім беру және технологиялық ынтымақтастық мәселелерін талқылады.

Сапар бағдарламасы аясында Көкшетау қаласының әкімі Әнуар Күмпекеевпен де жұмыс кездесуі өтті. Кездесу барысында тараптар қол қойылған Меморандумның өндірістік кооперацияны дамыту, әлеуметтік инфрақұрылымды нығайту және аймақтың халықаралық серіктестігін кеңейту үшін маңыздылығын атап өтті.

Сондай-ақ өнеркәсіп секторы мен білім беру мекемелерінің ынтымақтастығы инновацияларды енгізуге, білікті кадрлар даярлауға, әлеуметтік маңызы бар бастамаларды жүзеге асыруға тұрақты негіз жасайтыны айтылды.

Қол қойылған Меморандум екіжақты ынтымақтастық салаларын кеңейтіп, медициналық оңалту, білім беру, әлеуметтік қолдау салаларында бірлескен жобаларды жүзеге асыру үшін жаңа мүмкіндіктер ашады.

Дереккөз: ke.kz